Diaranson atardi a drenta informe di un accidente dilanti Cayena Mall riba Caya Betico Croes, mesora a dirigi patruya na e sitio. Na yegada di patruya na e sitio a bin constata cu aki ta trata di un accidente pa falta di preferencia. Aki un Hyundai Elantra a subi crusa dilanti un Suzuki van sin duna preferencia. E chauffeur di e van a purba para pero no por a evita e impacto. Afortunadamente ningun persona a resulta herida y danjo material tabata minimo. Despues cu a tuma datos di e accidentr a move e autonan for di caminda y trafico por a sigui normal.