Diaranson mainta, Aruba Tourism Authority a tene un celebracionspecial en conexion cu Dia Mundial di Turismo. Dia Mundial di Turismo ta wordo observa tur aña dia 27 di september y ta marca e momento perfecto pa felicita y mustra aprecio na tur esnan cu taaporta na e industria mas importante di nos isla.

 

Bou di e capa di World Tourism Organization su tema “Inverti den Hende”, e aña aki a pone luz special riba e parti di e industria di hospitalidad y tur e profesionalnan cu ta traha cu pasion patras y dilanti di cortina pa brinda servicio excepcional y crea experenciananmemorabel pa nos bishitantenan.

 

Den un sala completamente yen, su Excelencia Minister di Turismo Sr. Danguillaume Oduber, y Ronella Croes, CEO di A.T.A. a comparti informacion importante tocante e contribucion di e sector di hospitalidad na e industria di turismo, tocante logronan y exitonancosecha y puntonan clave pa tene na cuenta pa stimula un desaroyoduradero. A felicita y gradisi tur esnan presente cu a incluidignitarionan, socionan local, diferente cu ta labora den e sector di “Food & Beverage” como tambe studiantenan di Universidad di Aruba.

 

E aña aki e celebracion a conta cu invitado special, Will Guidara, autor di e buki “Unreasonable Hospitality” y ex-propietario di Eleven Madison Park cu tabata restaurant #1 na mundo na aña 2017. Cu experencia amplio den e industria di hospitalidad, Sr. Guidara a comparti su sabiduria y conocemento riba e tema di hospitalidad y con por sigui revoluciona e hospitalidad na Aruba, poniendo enfasisriba conexion humano y cordialidad cu ta pone clientenan sinti nan mes balora y aprecia. Un presentacion cu sigur a inspira y laga un impresion duradero riba tur presente.

 

Como e DMMO (Destination marketing and Management Organization) di Aruba, e mision di A.T.A. ta pa atrae bishitante di calidad halto y eleva e experiencia di e bishitante. Durante e ultimo decada, y promer cu esey, e industria di turismo a contribuiexitosamente na Aruba su economia y bienestar. El a mustra forza, un forza cu ta ancra den trabou duro di hopi. E forza di Aruba ta “by design” y esaki mester sigui proteha y stimula. Retonan mester contra aresta y oportunidadnan mester capitalisa di dje y unda mestercambionan clave, mester ehecuta esakinan.

 

A.T.A. tin dos siman di conferencianan y eventonan tras di lombaunda cu por mira bek na logronan clave pa e industria. Oficina di Turismo y e ekipo completo ta felicita y gradisi tur socio y e comunidad completo!

 

Feliz Dia Internacional di Turismo! Ban cuida e pilar di noseconomia! Ban sigui traha hunto pa logra e bienestar desea!