Diabierna anochi a drenta informe di un accidente na e crusada Caya ing. Roland H. Lacle cu Van Leeuwenhoekstraat, mesora a dirigi un patruya na e sitio. Na yegada di e patruya a bin conpronde cu aki ta trata di un accidente unda cu e chauffeur di un Toyota MarkX Zio biniendo di zuid no a para pa duna preferencia na e Nissan pick-up double cab cu tabata bini di pariba, nan a dal den otro y e pick-up a bay dal riba un palo di lus. Ora polis a bay atende cu e chauffeur a nota cu esaki ta bao influencia y ora a test e ela surpasa e limite y polis a detene. Afortunadamente ningun hende a reaulta herida.