Diabierna anochi a drenta informe di un accidente na e rotonde Balashi, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e chauffeur di un pick-up no a duna preferencia na un Chevrolet Spark cu tabata riba e rotonde y nan a dal otro. Afortunadamente ningun hende a resulta pero como e chauffeur tabata burachi a pone supla y esaki a surpasa e limite permiti pa ley y mask’e cu e daño ta minimo polis ta hopi severo den e control di core auto bao influencia pesey a detene.