Diamars mainta a drenta informe di un caso di hinkamento na Parkietenbos, mesora a dirigi tanto polis como ambulanbs na e sitio. Na yegada di e patruya a bin compronde cu e conocido di polis J.C. lo a propina un persona un hinka y a huy bay den e mondinan na banda. Na yegada di e ambulans nan a atende e victimanan y a transporte pa hospital. Un rato despues a drenta informe di cu e sospechoso lo a drenta cura di Ecotech y ta tratando di huy cu un truck den e cura. Otro patruyanan a bay na Ecotech y eynan a topa cu un personal cu a bisa cu e no sa di nada. Un rato despues a presenta un otro empleado cu a blokea e truck y impedi e sospechoso sali. Polis a yega net na momento y a haya e sospechoso completamente sunu y soda den un di e trucknan y a ordene pa e sali pero e no a cumpli cu esaki. Polis mester a ranc’e for di den e truck wantando ambos man y sak’e y pa evita e lanta para polisnan a wanta su pianan tambe pa asina logra detene. E sospechoso ta ser acusa di violacion di articulonan 2:273 lid 2, 2:289, y articulo 2:133. Ela ser hiba warda di polis te patras y cu ela ser transporta completamente sunu.