Diamars madruga a drenta informe di un caso di ladronicia di un Ford Sport Trac color grijs scur for di Savaneta y un hende persiguiendo e pick-up te den Village, mesora a dirigi patruya na e sitio. E vehiculo a para den Caya Corsow y 2 mucha homber a core sali for di e pick-up, un di e nan tabata di color cla bisti cu capuchon cora, carson cortico mientras e otro tabata tin un flanel blanco cu carson cortico tambe. Esakinan a core den direccion desconosi. Na Caya Martinique polis a haya e auto para memey caminda cu e porta di chauffeur habri cu e lusnan sendi. E yabi di e auto tabata pega na e switch. Polis a rondia den Village pero no a haya ningun di e sospechosonan. Polis a confisca e vehiculo pa mas investigacion.