Diaranson anochi a drenta informe di cu un dama a hay’e obliga di drenta den un restaurant den Wilhelminastraat pa scapa su mes di un adicto ambulante cu tabata persiguie, mesora a dirigi un patruya na e sitio. Na yegada di e patruya a bin compronde cu ya caba e dama a bay. Pero e empleadonan di e restaurant a saca un foto di e adicto kende despues di cu e dama a drenta e restaurant a bay benta baricada abao di rabia. Polis a mira e foto y a reconose como e adicto ambulante mas recien cual ta causando terror tur dia den e area turistico den Oranjestad. Polis a busca rond pero no a encontr’e.