Diahuebs madruga a drenta informe di un accidente cu hende herida dilanti Cayena Mall riba Caya G.F. “Betico” Croes, mesora a dirigi tabto polis como ambulans na e sitio. Na yegada di e patruya a bin compronde cu aki ta trata di un accidente entre un auto y un motorcycle unda e chaffeur di un Nissan March cu tabata core zig zag a baha full for di e caminda y e motorcycle cu tabata su tras y bayendo stret diripiente a hay’e cu e March ta subi caminda bek sin a laga e motorcycle pasa y a dal esaki bente abao. E March a sigi core bay, e motociclista a purba sigi e auto pero esaki a bay lage asina mes cu flat tire. Pero despues di un rato ela regresa. Polis a laga e chauffeur pasa test y a detene pa core auto bao influencia y ocasiona un accidente. Na yegada di e ambulans nan a atende e victima.