Dialuna mainta a drenta informe di un accidente cu hende herida na e rotonde di Adriaan Laclé Boulevard y Wilhelminastraat pabao di Elmar. Mesora a dirigi tanto polis como ambulans na e sitio. Na yegada di e patruya a bin compronde cu un Nissan Tiida color oro lo a primi trot na lugar di brake y a bai den e mondi. Na yegada di e ambulans nan a atende cu e chauffeur cu a resulta herida. Polis a tuma datos di e accidente aki.
