Diabierna atardi a drenta informe di un accidente di cadena cu 4 auto envolvi na Hooiberg, mesora a dirigi un patruya na e sitio. Na yegada di e patruya a bin compronde cu aki ta trata di un accidente di cadena entre 4 auto pero pa motibonan desconosi e 2nan mas dilanti a bandona e sitio. Locual a sosode ta cu e chauffeur di e auto Kia rio blanco no a regula su velocidad ni a mantene distancia a bay dal tras di e Nissan pick-up y e pick-up a bay dal tras di un otro auto y esaki consecutivamente a bay dal tras di un otro auto. Afortunadamente ningun hende a resulta herida.