Diadomingo atardi a drenta informe di un accidente basta pisa cu hende pega y varios herido na Sero Pita, mesora a dirigi tanto polis, ambulans y hasta e equipo di rescate di bombero. Na yegada di e patruya a bin compronde cu aki ta trata di un accidente unda cu e dama chauffeur di un Nissan March a bay bira dilanti un B.M.W. y a dal esaki mande drecha bao di un mata cu piedranan grandi unda no por a habri e portanan y tabata rekeri e equipo di rescate di bombero na e sitio. Afortunadamente tur e personanan a resulta levemente herida y ta ser atendi pa ambulans na e sitio y algun a ser transporta pa hospital.