Diamars mainta a drenta informe di un accidente cu hende herida na Tanki Flip, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un Honda Fit bayendo zuid y sin pone señal a bira na su man robes y e auto a dal e ciclista riba un bicicleta electrico bente abao. Den e impacto e bicicleta a ricibi daño y e ciclista a resulta herida. Na yegada di e ambulans nan a atende e victima na e sitio. Un rato despues cu e ambulans a bay e ciclista su dolor a aumenta y un familiar mester a hib’e hospital.