Diamars madruga a drenta informe di un accidente na e ATM Plaza di Aruba Bank na Paradera, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e chauffeur di un Mitsubishi Montero biniendo for di Oranjestad a tuma e birada cu un poco velocidad dimas riba e caminda muha y a baha caminda na man robes subi acera y a keda pega na e acera halto. Polis a nota cu e chauffeur ta bebi y a kita e yabi di auto y a bisa e chauffeur pa bin busca e yabi na warda di polis den pranan di mainta. Afortunadamente ningun hende a resulta herida.