Diamars madruga a drenta informe di un accidente cu hende herida banda di Superfood riba Sasakiweg, mesora a dirigi tanto polis como ambulans na e sitio. Na yegada di e patruya a bin compronde cu e chauffeur a perde control baha caminda dal palo di lus kibra y bolter. Debi na e fuerte impacto e chauffeur a resulta herida na yegada di e ambulans a atende e chauffeur na e sitio mes. Polis a pone e chauffeur supla y a detecta cu ela surpasa e limite permiti y a detene e chauffeur. Personal di Elmar a presenta pa kita e palo di lus y bini den oranan di mainta pa dreche. Takelwagen a bini pa kita e auto for di caminda.