Diamars mainta a drenta informe di cu nan ta mira un persona bisti cu un mascara y un vest y arma cu un pistol pazuid di un gym na Tanki Leendert pero den e area di Sero Patrishi, mesora a dirigi patruyanan pero como tambe parti di e team di aresto tabata den cercania den un auto glas scur nan a yega di prome na e sitio. Nan a nota mesora e sospechoso indica y nan a baha bay riba e sospechoso y a kita un pistol for di riba dje y a hala e otro personanan e.o. 2 dama cu tabata sinta den e auto y a bahanan y pone nan apart. A listra nan como tambe den e auto pero no a haya nada mas. Polis a detene e sospechoso indica y a solicita presencia di e vehiculo di transporte pa hib’e warda di polis ademas a confisca e auto.