Diadomingo mainta a drenta informe di un accidente na e crusada Socotorolaan cu Emmastraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un Kia Cerato bayendo pabao den Socotorolaan no a para pa duna preferencia na un Jac s.u.v. bayendo zuid den Emmastraat e impacto tabata asina fuerte cu e Jac a bira 180 grado y cu e wiel di patras a dal na e acera. Debi na e fuerte impacto net na banda di chauffeur e dama a resulta herida. Na yegada di e ambulans nan a atende e victima y a transporte pa hospital.