Diabierna mainta a drenta informe di cu un bon samaritano a nota un mucha muher canando su so riba caya na un area un poco aleha di e kleuterschool unda e ta bayendo. E bon samaritano a informa polis cu e ta hibando e mucha school. Mesora a dirigi un patruya na e school. Eynan na e school a tuma e mucha y a tuma e datonan di e bon samaritano ademas a pidi’e warda un rato. Polis a yega y a compronde e gesto di e bon samaritano y polis a avis’e pa otro biaha laga polis yega unda a hay’e. Na school mesora a yama e mayornan y a informanan di e locual a sosode y a pidi nan pa presenta na e school. Na e school a papia cu e mayornan di locual a sosode y polis a hala nan atencion di e proteccion y cuido di e muchanan ancra den ley. E mucha mes ta ok y a sigi su lesnan normal. E Kleuterschool encuestion semper ta pone e seguridad y proteccion di e muchanan na prome lugar.