Diahuebs anochi a drenta informe di un accidente cu hende herida na e bocht prome cu yega Sero Patrishi y cu e vehiculo envolvi lo a bandona e sitio di accidente, mesora a dirigi tanto polis como ambulans na e sitio. Un rato despues a drenta informe di cu e chauffeur di e pickup a bay drenta su cura na Sero Blanco y sconde e pickup manera nada a pasa. Polis a bay na e cas y a haya e pick-up hinca den e garashi. Na e cas polis a haya e chauffeur burachi y a detene pa core auto bao influencia, ocasiona un accidente, bandona sitio di accidente. Na yegada di e ambulans na e sitio di accidente e dama cu lo a dal su cabes no tabata desea asistencia di ambulans. E vehiculo di transporte a hiba e chauffeur burachi pa warda di polis.