Diamars merdia a drenta informe di un accidente cu hende herida pariba di Great Rich na Paradera, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un auto blanco biniendo for di nort no a duna preferencia na un auto color oranje di pariba y a dal esaki mande pazuid di caminda touch un otro auto color cora y baha den e bahada canto di caminda. E impacto tabata fuerte y e dama chauffeur a bay para pazuid di e caminda a resulta herida. E personal di E.M.S. cu tabata cerca a baha atende e dama en espera di ambulans. Na yegada di e ambulans nan a atende e dama y transporte pa hospital.