Diaranson atardi a drenta informe di un accidente cu hende herida na Morgenster, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un suv a bay bira na man robes net ora cu un scooter ta bay pas’e y nan a dal den otro y e motociclista a cay resulta herida. Na yegada di e ambulans a atende e motociclista cu tabata tin algun rasca na su curpa pero e mes no kier a bay hospital cu e ambulans.