Diabierna anochi a drenta informe di un accidente basta fuerte cu hende herida dilanti di Tamarijn Beach Hotel, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un chauffeur no a regula su velocidad ni a mantene distancia a bay dal tras di e vehiculo su dilanti. Debi na e fuerte impacto ambos chauffeur a resulta herida. Na yegada di e ambulans nan a atende e victimanan na e sitio mes.