Diaranson atardi pa 6:58 central di polis ta wordo notifica pa Alarm Central pa asisti nan na un cas na Caya Frere Fredericus. Ta trata cu un señora lo a duna lus na un baby na cas y e baby no ta reaciona. A despacha polis pa e sitio y na yegada personal di ambulance ta pidi polis pa yuda sera caminda pa asina nan por transporta e baby cu maximo urgencia pa hospital. A transporta tanto e baby como tambe e mama pa asina haya asistencia medico avansa. Tur unidad di polis a yuda pa asina logra sera caminda pa ambulance por a yega mas lihe posibel hospital.

Cuerpo Policial Aruba y awe24.com ta desea e mama y e baby pronto recuperacion.