Diasabra madruga a drenta informe di un accidente na Tanki Leendert unda na cierto momento lo kier a start un pelea, mesora a dirigi patruyanan na e sitio. Na yegada di e patruya a bin compronde cu aki ta trata di un accidente unda cu un chauffeur a kita su bista for di trafico pa wak su celular net ora cu e auto su dilanti a brake y ela bay dal fuertemente tras di dje mandando e un distancia dilanti afor di caminda. E momentonan ey reclamonan a cuminsa pero e amigonan di e chauffeur a calm’e pa e stop y cos a calma. Aunke e impacto tabata hopi duro afortunadamente ningun hende a resulta herida.