Diasabra madruga durante patruya oficialnan di e brigada motorisa a bin topa cu un accidente na rotonde airport, mesora nan a para pa controla. A bin resulta cu aki ta trata di un taxista cu na salida di e rotonde a perde control y subi e barancanan pariba di e rotonde y a keda pega riba e piedranan. Polis a nota cu e chauffeur ta burachi y ora a test e ela surpasa e limite permiti. Esey a haci cu polis a detene pa stuur auto bao influencia y causa un accidente.