Diadomingo mainta tempran a drenta informe di un caso di kiebro y ladronicia na All To Car riba L.G. Smith blvd., mesora a dirigi un patruya na e sitio. Na yegada di e patruya a bin compronde cu aki ta trata di un caso di ladronicia unda ladronnan a probecha e lonanan poni den e front pa remodelacion asina nan por a forsa e porta trankilamente pa drenta horta un bicicleta electrico. Den transcurso di dia a keda di revisa e grabacion di e camaranan di seguridad pa asina logra captura e ladron.