Diaranson atardi a drenta informe di un accidente cu hende herida poco mas pabao di Zeerovers na Savaneta, mesora a dirigi tanto polis como ambulans na e sitio. Na yegada di e patruya y ambulans nan no a encontra cu nada. For di bisiñanan a bin compronde cu un auto a pasa riba un hende y a sigi core bay y un otro auto a pasa a pone e victima aden y tuma direccion aparentemente pa hospital. Mesora polis di trafico a ser avisa y a bin cuminsa cu e investigacion. Un rato despues a bin compronde cu a hiba e victima na su cas na Macuarima y despues ambulans a bay hibe pa hospital.