Diaranson atardi a drenta informe di un accidente cu hende herida riba E.J.”Watty” Vos blvd yegando Ponton for di pariba, mesora a dirigi tanto polis como ambulans na e sitio. Na yegada di e patruya a bin compronde cu e dama chauffeur di un Kia Picanto bayendo pabao a dal un peaton cu a crusa e caminda. Debi na e fuerte impacto riba e windshield e victima a bay halto y bay cay den banda di caminda. E victima tabata tin varios golpi na su curpa y su pua tabata den un estado no natural. Na yegada di e ambulans nan a atende e victima y a stabilise pa transporte cu urgencia pa hospital.