Dialuna madruga a drenta informe di un accidente cu hende herida y un ambulans envolvi dilanti Bestuurskantoor, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un dama chauffeur burachi y na estado bayendo pabao riba L.G. Smith blvd. a hala banda robes di caminda y a bay dal frontal riba ambulans hibando un pashent pa su cas. Debi na e fuerte impacto frontal e dama chauffeur a resulta herida y tabata keha di dolor esnan den e ambulans tambe a resulta herida e chauffeur, e paramedico y tambe e pashent patras den ambulans cu tabata ser hiba pa su cas. Na yegada di e otro ambulansnan a transporta tur e victimanan pa hospital.