Diaranson mainta a drenta informe di un accidente na e crusada Franklinstraat cu Fokkerstraat, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un Hyundai Accent biniendo for di Franklinstraat no a para pa duna preferencia na e Toyota Corolla cu tabata bini den Fokkerstraat y nan a dal den otro. Afortunadamente ningun hende a resulta herida. E chauffeur di e Corolla no tin rijbewijs.