Diaranson mainta a drenta informe di un caso di destruccion na Washington, mesora a dirigi un patruya na e sitio. Na yegada di e patruya a bin compronde cu aki ta trata un otro caso di intento di horta un Kia Rio unda e ladronnan a kibra e bentana di chauffeur habri e porta kibra abao di e stuurwiel pa asina nan por logra di bay cu e auto pero pa un of otro motibo no a logra bay cun’e. Den un comunicado policial a emiti cu ya caba polis tin 10 hoben entre nan menor di edad deteni pa e tipo di ladronicianan aki. Pero esaki ta un indicacion cu tin hopi mas ainda pa piki. Lo ta bon pa e mayornan di e hobennan aki cuminsa tira bista pa nan yiunan pasobra nan ta keda responsabel pa tur e dañonan causa.