Peaton seriamente herida despues di cu ela subi caminda sin wak y un auto a dal e na Cura Cabay

Diasabra madruga a drenta informe di un accidente cu hende herida na altura di Motor World na Cura Cabay, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di e Nissan Fuga blanco A-75514, a alcansa un peaton canando banda di caminda. Mirando e situacion di e victima a solicita presencia di ambulance cu maximo urgencia. Segun declaracion di esnan den e Nissan Fuga, nan tabata bayendo direccion pariba ora cu na dado momento e peaton a bay subi caminda grandi sin wak. Segun otro declaracionnan e peaton tabata canando basta rato banda di caminda.. Esunnan den e auto Nissan a conta cu nan tabata bayendo direccion pariba ora diripiente e homber a manera subi e caminda grandi na pia. Otro testigonan ta menciona cu e homber tabatin basta rato canando banda di caminda den un forma masha peligroso. Na yegada di e 2 ambulansnan nan a atende e victima y a transporte cu maximo urgencia pa hospital

Share:

Leave a Reply

Your email address will not be published.