Diaranson mainta a drenta informe di un accidente cu hende herida na Bloemond. Mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un Mitsubishi Grandis shinishi y un KIA Optima blanco. Ambos auto kier a pasa riba e caminda smal y nan a dal den otro, e impacto tabata fuerte y a pone cu e Mitsubishi Grandis kentel. Ambos chauffeur a resulta levemente herida. Ambulans a atende cu e victimanan y polis a tuma datos di e accidente aki.