Diahuebs madruga a drenta informe di un accidente na Tanki Leendert banda di Torino. Mesora a dirigi un patruya na e sitio. Na yegada di e patruya a bin compronde cu chauffeur di un auto shinishi a bai rechts riba un sero chikito di tera y esaki a pone cu e a perde control bai links y dal den un SUV preto. Afortunadamente ningun persona a resulta herida. E chauffeur di e auto shinishi tabata mustra bao influencia di alcohol. Polis a hasi alco-test y a constata cu berdad e lo ta burachi. Polis a detene e chauffeur y a transport’e pa Warda di polis. Polis a tuma datos di e accidente aki.