Diahuebs madruga a drenta informe di kiebro y ladronicia for di varios auto den e parkinglot banda di Benihana na Palm Beach. Mesora a dirigi un patruya na e sitio. Na yegada di e patruya a bin compronde cu desconocidonan lo a kibra drenta den 3 auto esta un KIA Rio, KIA Sportage y un Hyundai Getz. Den e KIA Rio y e Sportage nan a kibra e glas y a purba joyride esaki. Nan no a logra. Na e Hyundai Getz nan a kibra glas tambe y hasta bai cu wiel di e auto. Polis a tuma datos y tin e caso aki bao investigacion.