Diahuebs anochi a drenta informe di un caso di intermediacion na Wu Di Enterprises NV na Tarabana, mesora a dirigi un patruya na e sitio. Na yegada di e patruya a bin compronde cu aki ta trata pa polis intermedia unda e dama a cumpra un speaker y recien ela cumpre ela kima y a bay reclama e doño kende no kier responde pa cambi’e pa un otro. Polis a intermedia splicando e doño cu tin biaha e cosnan ey por bini cu defectonan y cu tin garantia y cu den casonan asina mester cambi’e y mand’e pa e fabrica pa nan repar’e of cambi’e. Pero como e negoshi no tin otro e cliente lo mester warda. Despues di hopi deliberacion a logra yega na un acuerdo entre e partidonan.