Diadomingo madruga a drenta informe di un accidente na Druivenstraat na Dakota, mesora a dirigi un patruya na e sitio. Na yegada di e patruya a bin compronde cu aki ta trata di un accidente semi-frontal entre 2 Nissan March, unda cu e March preto cual su chauffeur ta burachi a bay na banda robes di caminda y a bay dal riba e March Blauw. Aunke e impacto tabata fuerte toch afortunadamente ningun hende a resulta herida. polis a detene e chauffeur cu tabata core auto bao influencia y a ocasiona accidente.