Diamars anochi a drenta informe di cu un homber a hera mata un muher na Savaneta, mesora a dirigi polis na e sitio. Na yegada di e patruya a bin compronde cu un homber aparentemente M.C. a agredi su mesun pareha den un Hyundai Getz color di oro y despues a bent’e pafor di e auto y kier a pasa auto riba dje. Bisiñanan atento a reacciona y e sospechoso a bay for di e sitio. Polis a tuma nota cu e dama ta hopi maltrata y cu sla na su lomba y a pidi pa ambulans. Na yegada di e ambulans nan a atende e dama y a transporte pa hospital. Polis a bisa e dama pa e bay entrega keho di maltrato y intento di asesinato contra e sospechoso.