Diahuebs mainta a drenta informe di un accidente cu hende herida dilanti Wayaca Falls riba e Green Corridor, mesora a dirigi tanto polis como ambulans na e sitio. Na yegada di e patruya ya caba ambulans tabata na e sitio. Ta trata aki di un motociclista cu a bay pasa un auto Toyota Wish y ora ela drenta bek un auto su dilanti tambe a brake pero e auto cu ela pasa su brake a pone e auto slip sigi bay dal e motociclista cu e brommer lastre dal tras di un Kia Rio bir’e 90 grado. E personal di ambulans a atende e motociclista y un otro ambulans a bin controla e dama chauffeur di e Kia Rio na e sitio mes, mientras e prome ambulans a transporta e motociclista pa hospital.