HR Groep (promé HR Piping), un konhunto di kompanianan aktivo den sektor di maritimo, infra, sivil, energía, industria i utilidat, espesialisá den desaroyo, produkshon, montahe, instalashon i maneho di aplikashonnan i servisionan ku ta suplementá nan entre sí i ku HR-Werkt i Tech Pro Flex tambe ta aktivo den área di formashon, rekrutamentu i selekshon, ta tuma un interes den Bonaire Infra i Straatwerken.

“Dos aña pasa nos a kuminsá na Boneiru ku proyekto ‘Perspektiva’, dirigi pa brindá formashon i garantía di trabou na hobennan via práktika. E promé dos studiante di trabou a kuminsá èksitosamente na Hulanda, ku ta nifiká ku awe nos ta prepará pa akèptá un grupo nobo di hobennan. E paso aki ta di importansia esensial pa nos progreso i desaroyo kontinuo di e organisashon i su ambishon (inter)nashonal. Nos ta yena di orguyo i gratitut pa e konfiansa di Simon i Charlene de Jong di Bonaire Infra i Straatwerken pa krese i kontribuí na Boneiru,” segun Evert Jan van der Es, CEO di HR Groep.

Pa Bonaire Infra i Straatwerken, e kooperashon aki no solamente ta un oportunidat pa krese ku HR Groep, pero tambe pa garantisá e kontinuidat i deseonan di futuro di nos kompania. E bishon, konosementu i partisipashon sosial di HR Groep ta enkadrá perfektamente ku nos propionan konvikshonnan. Nos ta keda kompleto konbini i ku e paso aki un pakete mas amplio di servisionan i aktividatnan por ta disponibel. Nos ta mire huntu ku konfiansa pa dilanti i ta enkantá ku e kooperashon aki.” – Simon i Charlene de Jong, Bonaire Infra i Straatwerken.

Pa mas informashon: www.hrgroep.info.