Diamars madruga a drenta informe di un accidente cu hende herida na Noord Cura Cabay, mesora a dirigi tanto polis como ambulans na e sitio. Na yegada di e patruya a bin compronde cu aki ta trata un accidente unda un homber stranhero coriendo un auto BYD a perde control bay dal riba un mata bira 90 grado y a bay dal riba un cura di cas. E impacto tabata fuerte tanto e chauffeur como un dama local cu tabata den e auto a resulta herida. Asina mes herida e homber a sali for di auto ranca e plachi number y tira esaki den mondi. Despues di esey ela kita su flanel pa pone na su cabes cu tabata sangrando y a bandona e sitio na pia lagando e dama local herida atras. Polis a rondia den e mondi y a bin logra haya e plachi number. Na yegada di e ambulans nan a atende e dama y a transporte pa hospital.