Diamars madruga polis a ricibi informe di cu tin un hende hortando na e kioskonan na Paseo Herencia, mesora a dirigi un patruya na e sitio. Na yegada di e patruya a mira cu e sitio ta reboltia canando un poco mas patras a mira un sospechoso cu ta cuadra cu e descripcion duna di e ladron, mesora polis a detene y den su poder a bin haya mercancia horta. Polis a pidi e vehiculo di transporte y nan a hibe warda di polis pa su encarcelamento.
