Diamars merdia a drenta informe di un accidente cu hende herida riba Green Corridor banda di Wayaca. Mesora a dirigi tanto polis como ambulans na e sitio. Tambe a manda brandweer na e sitio ya cu hende lo tabata pega den auto. Na yegada di e patruya a bin compronde cu e auto lo a perde control despues cu un otro auto a bay pas’e y a corta su dilanti y kentel bay cay riba e baricada di beton banda di caminda pazuid. Na yegada di brandweer ya nan a logra saca e hendenan afo di e auto. Na yegada di e ambulans nan a atende 3 victima cu a resulta herida cual un ta un mucha. Polis a tuma datos di e accidente aki.