Diamars merdia a drenta informe di un accidente cu hende herida y pega den auto, mesora a dirigi tanto polis, ambulans como tambe e quipo di rescate di bombero. Na yegada di e patruya a bin compronde cu aki ta trata di un accidente unda un Hyundai Accent blanco bayendo pariba ta haal in auto y a bay corta drenta dilanti un Honda Pilot pone e chauffeur desvia y a kentel den banda na e banda drechi di caminda . E chauffeur di e Hyundai a sigi core bay pero despues di un rato a bira bolbe y para responsabel pa e accidente cu ela ocasiona. Den e Honda Pilot tabata tin 3 persona levemente herida entre nan un mucha. Na yegada di a ambulans a logra saca e victimanan for di e auto y a atende e 3 victimanan y a transporta nan pa hospital.