Diaranson mainta a drenta informe di un situacion desagradable cu a sosode na Eagle Beach, mesora a dirigi un patruya di strand cu urgencia na e sitio. Na yegada di e patruya a bin compronde cu apenas algun minuut cu e dama turista crucero a yega na e beach ela pone su tas cu pertenencianan banda di e beach y den un frega di wowo esaki a disparce. E dama turista a keda masha rabia y no kier keda mas eynan y a pidi polis pa hib’e waf ya cu e no kier keda eynan pa warda di bus cu net a caba di bah’e eynan. Polis a coopera cu e dama turista pa hib’e bek na waf.