Diaranson anochi a polis a bay para un auto Nissan March den cual tabata tin yen di hende aden, pero na lugar di e auto a para e chauffeur a primi trot y a start un persecucion. Na Dakota banda di e Compleho Deportivo Guillermo P. Trinidad maniobrando den e area cu hopi hende aden e chauffeur no por a controla e auto hopi bon y a bay dal na un acera unda e wiel a sufri daño y no por a sigi core. Aki algun hoben a core bay pero a logra captura 2 di nan y e mucha muhe cu a keda na e sitio. E 3 hobennan aki a ser deteni y transporta pa warda di polis y a confisca e auto pa mas investigacion.