Exprodesk ta invita nos negoshinan pa participa na e “Trade Mission Hub Cámara Santo Domingo 2020”

ORANJESTAD – Departamento di Asuntonan Economico, Comercio y Industria y su unidad Exprodesk den colaboracion cu “Center for Export and Investment” (CEI-RD), Camara di Comercio di Republica Dominicana, Embahada di Reino Hulandes na Republica Dominicana y Consulado di Republica Dominicana na Aruba, ta invita nos negoshinan di Aruba pa participa na “Hub Cámara Santo Domingo 2020”.  E convencion aki lo tuma lugar dia  17 te cu 19 di maart 2020 na Republica Dominicana. E sectornan cu lo participa na Hub Cámara Santo Domingo 2020 cu nan productonan y servicionan y tambe den e reunionnan di negoshinan (B2B) lo ta:

  1. Agro (Fruta y Berdura);
  2. Tecnologia (innovacion, comercio electronico, plataforma digital);
  3. Energia (solucionnan electronico, energia renobabel, ekipo y suministro);
  4. Construccion (ekiponan, cement, concrete, staal);
  5. Industrial (Agroindustrial, plastico, salud y beyesa, alimento, bebida).

E lo ta un oportunidad unico na unda cu representantenan di e barco Don Andres lo ta presente pa contesta tur pregunta y duna informacion na negoshinan di Aruba cu lo ta interesa pa importa productonan di Republica Dominicana pa Aruba.

Pa por participa lo mester registra prome cu 17 di februari 2020, 11:59pm pa por aplica pa algun di e beneficionan como importado/comprado:

  • Hotel (1 camber individual) paga pa 2 dos anochi na Hotel El Embajador, cu ta un Royal Hideaway Hotel (Host Hotel) riba 17 y 18 di maart pa 1 participante;
  • Transporte gratis di Las Americas International Airport pa Hotel riba 15, 16 of 17 di maart y di Hotel pa Las Americas International Airport riba 19 of 20 maart;
  • Coordinacion di e  reunionnan di negoshi (B2B) y preparacion di agenda personalisa cu productornan y/of exportadornan Dominicano;
  • Guia y apoyo di e ekipo di CEI-RD antes, durante y despues di participacion na e evento;
  • “Special networking event” riba 18 maart organisa pa Embahada di Reino Hulandes na Republica Dominicana.

Den e cuadro aki Exprodesk kier brinda nos negoshinan den e sectornan aki e oportunidad pa bishita  “Hub Cámara Santo Domingo 2020” unda nan lo tin e oportunidad pa obtene conocemento, haya sa mas di e ultimo tendencianan, participa na  reunionan di negoshinan (B2B) pa nan sectornan specifico, participa na e conferencianan y experencia e exhibicion di productonan y servicionan cu lo bay tin presente.

Pa mas informacion over di Hub Cámara Santo Domingo 2020, participacion, con pa registra, incentivanan y costonan por tuma contacto cu sra. Sharon Meijer via: s.meijer@deaci.aw

Share:

Leave a Reply

Your email address will not be published. Required fields are marked *