Diadomingo atardi a drenta informe di cu e personal di kustwacht tin problema cu un homber bao influencia causando terror riba un boto den lama. E homber no ta coopera cu kustwacht y ta insultandonan masha mahos mes y ta muhando e personal, mesora a dirigi varios polis na e sitio. Na yegada di e patruyanan e homber sigi falta respet insultando y tabata yega casi na e strand y cu e boto e tabata spart awa riba e oficialnan. E doño di e boto tambe tabata tey na e strand pero e trahado riba e boto no tabata sigi cu su ordo. Ora cu solo a cuminsa baha y e personal di kustwacht a haya un oportunidad cu e boto tabata cerca a core subi e boto y despues polisnan tambe pa asina logra domina e homber y a detene. Segun personanan den cercania a bisa cu e homber lo por a usa e droga mas recien yama “tusi” cual a lage descontrola!