Diaranson ultimo, Minister di Enseñansa y Deporte Endy Croes hunto cu su esposa Dilailah Croes a atende e Celebracion Nacional di Dia Mundial di Teatro na Cas di Cultura. E evento aki tabata organisa pa Departamento di Cultura Aruba y UNSECO, dedica specialmente na Educacion Superior di Teatro. Minister Endy Croes a representa Minister di Finansas y Cultura Xiomara Maduro y hiba palabra. Durante e ocasion special aki por a aprecia 18 diferente monologo di arte entre otro, Sra. Marilis Becker, Sra. Adriana Cerereste, Sr. Charles Croes, Sra. Judith Werleman, Sra. Shjakayne Manuela, Sra. Joan Danies, Sra. Satya Heinze, Sra. Indra Stamper, Sr. Daylan Krtozendijk, Sr. Mario Flores, Sr. Igmar Maduro, Sr. Ferdinand Franca, Sr. Tuesday Irwin, Sra. Carolina Coulon y Sra. Natusha Croes. Ademas di esaki, cantante Sra. Karena Maduro a deleita tur presente cu e bunita cancion Un Bon Arubiano. Na final di e anochi, Minister Endy Croes a haci entrega di diferente premio. Un anochi hopi bunita, unda por a disfruta di e talento di nos artistanan local. Minister Endy Croes ta felicita nos artistanan local cu ta celebrando 20 aña di Dia Mundial di Teatro y ta felicita tur artista cu nan bunita presentacion.