Diasabra merdia a drenta informe di un accidente cu impacto basta fuerte y cu hendenan herida, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente semi frontal unda un chauffeur bao influencia den un Hyundai Elantra bayendo pabao a bay banda robes di caminda net ora un Nissan Cube di trafico contrario ta bayendo pariba y a purba desvia p’e na e man drechi pero e impacto tabata inevitable y nan a dal den otro e Hyundai a bay dal riba meternan di awa y kashi coriente y a kibra e meter di awa y esaki tabata basha na monton. Na yegada di e ambulansnan nan a atende tur 5 victima y a bay cu nan pa hospital. Elmar y W.E.B. a ser avisa mientras polis a test e chauffeur y ela surpasa e limite permiti. Den nos corto entrevista e chauffeur di e Hyundai a admiti cu e ta bao influencia di alcohol. Polis a detene e chauffeur.