Diasabra atardi a drenta informe di un accidente cu hende seriamente herida na YenYen na Kamay. Mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un auto Nissan shinishi lo a bai subi caminda net ora un Honda CRV cora tabata pasando. E impacto tabata fuerte y un homber di edad y un mucha a resulta herida. A pidi ambulans cu urgencia ya cu e homber di edad lo tabata sangrando na cabez y for di boca. A pidi tambe pa tur autoridadnan competente. Na yegada di e ambulans nan a atende e victimanan. Ambulans a pidi presencia di dokter ya cu no por a hasi nada mas pa e homber di edad. Pa 5or di atardi dokter ta constata morto di M. Tromp di 80 aña. Na famia di e fayecido nos ta manda palabra di condolencia.